Sáýirdiń orta kezine deıin barlyq mektepterdiń monıtorıngin jasaý josparlanyp otyr
ASTANA. 6 sáýir. QazAqparat - QR Bilim jáne ǵylym mınıstrligi sáýirdiń orta kezine deıin elimizdiń barlyq orta mektepteriniń monıtorıngin jasaýdy josparlap otyr.
Bul týraly búgin Astanada atalǵan vedomstvonyń Bilim jáne ǵylym salasyndaǵy baqylaý komıtetiniń tóraǵasy Serik Yrsalıev aıtty.
Jalpy Qazaqstanda 16 772 bilim berý uıymy bar. Ár bilim berý uıymy 5 jylda bir ret memlekettik attestattaýdan ótýi tıis. Sondaı-aq jyl saıyn 3 354 bilim berý uıymdarynda attestatsııa júrgiziledi.
Buryndary bul sharalardy jergilikti atqarý organdary iske asyryp keldi. Ár óńir baqylaý men baǵalaýdy óz múmkindigine qaraı iske asyrǵandyqtan, bilim sapasynda óńirlik aıyrmashylyqtyń ulǵaıýyna ákeldi. Bul óz kezeginde ulttyń zııatkerlik áleýetiniń damýyna qaýip-qater bolady. Qazaqstannyń bilim sapasyn baqylaýdyń ortalyqtandyrylǵan tik júıesin qurý - bilim berý qyzmetiniń deńgeıin arttyrýdyń qamtamasyz etetin óńirlerdegi bilim sapasyn biryńǵaı syrtqy baqylýdyń is-qımyl tetikterin qalyptastyrýǵa múmkindik beredi.
