Sáýirdiń 23-indegi málimetter boıynsha «Samuryq-Qazyna Farmatsııa» kompanııasy medıtsınalyq mekemelerge naýryz-sáýir josparynyń 88%-yn jetkizýdi júzege asyrǵan
ASTANA. Sáýirdiń 23-i. QazAqparat - Biryńǵaı dıstrıbıýtor bolyp tabylatyn osy kompanııa tegin medıtsınalyq kómektiń kepildi kólemi aıasynda elimizdiń medıtsınalyq mekemelerine dári-dármekter jetkizýdi júıeli júzege asyrýda.
2010 jylǵy sáýirdiń 23-indegi málimetter boıynsha «SQ-Farmatsııa» kompanııasy medıtsınalyq mekemelerge naýryz-sáýir josparynyń 88%-yn jetkizip bergen. Kompanııa naýryz aıynda dárilerdi jetkizý jónindegi mindettemelerin 97,3%-ǵa oryndaǵan, al sáýirdegi kórsetkishter 80,9 paıyzdy qurap otyr (sáýirdegi jóneltý jumystary áli aıaqtalǵan joq), delingen kompanııanyń baspasóz málimdemesinde.
Osy jyldyń naýryzynan «SQ-Farmatsııa» 745 ataý boıynsha dári-dármek jetkizýdi tolyqtaı júzege asyryp jatqanyn aıta ketý qajet. QR Densaýlyq saqtaý mınıstrliginiń buıryqtarymen Biryńǵaı dıstrıbıýtor tiziminen 135 dári-dármek shyǵaryp tastaldy.
Búgingi kúnge Biryńǵaı dıstrıbıýtor qoımalarynda jalpy somasy 3,1 mıllıard teńgeniń 673 dári-dármegi, onyń ishinde buryn «SQ-Farmatsııa» tiziminen shyǵarylǵandary da bar, jınaqtalǵan.
«SQ-Farmatsııa» atap kórsetkendeı, bul kompanııa Biryńǵaı dıstrıbıýtor retinde tolyqtaı jetkizýdi osy jyldyń naýryzynan bastap qana júzege asyra bastaǵan. Naýryzdyń 10-yna deıin emdeý mekemelerine dárilerdi óz betinshe satyp alýǵa ruqsat etildi (QR úkimetiniń 2010 jylǵy aqpannyń 4-indegi №66 qaýlysy). Syrqattardy emdeý-aldyn alý mekemeleri ótinishterinde az kólemdi tapsyrys bere tura, dárilerge qosymsha kólemdegi usynys jasaǵan jaǵdaılarda - anyq emes málimetter týyndaǵan.
Sondyqtan da bul máseleniń jurtshylyq úshin áleýmettik máni zor ekenin eskere kele, Biryńǵaı dıstrıbıýtor aýrýhanalarǵa dári-dármek jetkizý týraly turaqty túrde qulaǵdar etip otyrýǵa bekingen.
