Sáýirde jaýǵan qar almatylyqtardy tańǵaldyrdy
ALMATY. QazAqparat - Almatyǵa qys qaıta oraldy. Qala turǵyndary tabıǵattyń tosyn minezine tań-tamasha bolyp otyr, dep habarlaıdy QazAqparat tilshisi.
Keshe ǵana Almatyda kún shýaǵyn shashyp, qustar kóktemniń kóńildi ánin shyrqap júrgen, aýa temperatýrasy 30 gradýsqa deıin jyly bolǵan. Mamyrajaı kúnge masaıraǵan jurt jazǵy kıimderin sandyqtan shyǵara bastap edi.
1 sáýir kúni almatylyqtar oıanyp qarasa, dalada - qys: temperatýra 3 gradýs nólden joǵary, qar jaýyp tur.
Munyń da jaqsy jaǵy bar eken. «Qazgıdromettiń» málimetterine qaraǵanda, mundaı meteojaǵdaılar atmosferada jınalǵan aýany lastaýshy zattardyń ydyraýyna sebep bolady eken.
Sınoptıkter kelesi aptada apta boıy nóser jańbyr jaýyp, aýa temperatýrasy 15 gradýstan aspaıtynyn habarlap otyr.
