Sáýirde Jánibek Álimhanuly 2 birdeı belbeý úshin judyryqtasady

ASTANA. QazAqparat - Orta salmaqtaǵy jeńilip kórmegen qazaqstandyq boksshy Jánibek Álimhanuly (5-0, 2 KO) 12 sáýirde qos birdeı belbeý úshin judyryqtasady, dep habarlaıdy QazAqparat sportshynyń PR-menedjeri Berik Sultanǵa silteme jasap.

Bul kezdesý - qazaqstandyq sportshynyń kásipqoı bokstaǵy altynshy jekpe-jegi bolmaq.

«Jánibek Álimhanuly 12 sáýirde Los Anjeleste WBO Global jáne WBC Continental Americas chempıondyq belbeýi úshin 10 raýndttyq jekpe-jek ótkizedi. Jánibektiń qarsylasy - kásipqoı boksta 20 jekpe-jek ótkizip, onyń 16-ynda jeńgen, qulamaǵan tájirıbeli meksıkalyq Krıstıan Ollıvas. Bul - biz úshin óte jaýapty jekpe-jek. Osy shoýdan soń Qazaq boks stıli álemge keńinen tanylady», - dep jazdy Berik Sultan Facebook jelisinde.

Aıta keteıik, 12 sáýirdegi basty jekpe-jek ýkraınalyq Vasılıı Lomachenko (12-1, 9 KO) men brıtandyq Entonı Krolla (34-6-3, 13 KO) arasynda ótedi. V. Lomachenko jeńil salmaqtaǵy WBA jáne WBO belbeýlerin qorǵaıdy.