Sáýirde turǵyn úı naryǵynda baǵanyń ósýi baıqaldy - Statıstıka
ASTANA. 10 mamyr. QazAqparat - 2011 jylǵy sáýirde turǵyn úı naryǵynda baǵanyń ósýi baıqaldy, dep habarlady QR Statıstıka agenttiginiń baspasóz qyzmetinen.
«2011 jylǵy sáýirde ótken aımen salystyrǵanda, jańa turǵyn úılerdi satý baǵasy 0,5 paıyzǵa, kórkeıtilgen jáne kórkeıtilmegen turǵyn úılerdi alyp-satý - 0,6 paıyzdan joǵarylady. Al kórkeıtilgen turǵyn úılerdi jalǵa berý baǵasy ózgerissiz qaldy», - delingen baspasóz aqparatynda.
Vedomstvonyń atap ótýinshe, jańa turǵyn úılerdiń 1 sharshy metri 148 432, kórkeıtilgen turǵyn úılerdiki 109 201, kórkeıtilmegen turǵyn úılerdiki 64 652 myń teńgeni quraǵan. Al kórkeıtilgen turǵyn úılerdi jalǵa berý 1 sharshy metri úshin 856 teńge bolǵan.
