Sáýirde medıtsına uıymdary jabdyqtaryn túgendeý jumysy aıaqtalady
«Memleket basshysynyń tapsyrmasyna sáıkes, óńirlerdegi barlyq densaýlyq saqtaý uıymdaryndaǵy, onyń ishinde reanımatsııalyq bólimshelerdegi jabdyqtarǵa túgendeý júrgizilip jatyr. Osy jyldyń sáýirinde bul jumys aıaqtalyp, onyń qorytyndysynda qosymsha jabdyqtaý júzege asyrylady. Degenmen, pandemııa bastalǵannan beri ınfektsııalyq statsıonarlardy negizgi reanımatsııalyq jabdyqtarmen jabdyqtaý 100 paıyzǵa jetkizildi. Buǵan qosa, búginde reanımatsııalyq tósek-oryndardyń 22 paıyzy ǵana bos emes», - dedi mınıstr.
Onyń atap ótýinshe, materıaldyq-tehnıkalyq bazany nyǵaıtý realıstik boljamǵa saı epıdemıologııalyq ahýal ýshyqqan kezde medıtsına uıymdarynyń bir-birinen jabdyqtardy ýaqytsha alý qajettigin týyndatpaıdy.
«Medıtsına uıymdaryn odan ary jabdyqtaý úshin 2021-2022 jyldarǵa arnalǵan respýblıkalyq bıýdjette 85 mlrd teńge bólý kózdelgen. Reanımatsııalyq bólimshelerdi qosymsha jabdyqtaý jumystary óńirlerde turaqty túrde júrgiziledi», - dedi Alekseı Tsoı.
