Sáýirde kúnkóristiń eń tómengi deńgeıi 12 myń 891 teńgeni qurady
ASTANA. Mamyrdyń 4-i. QazAqparat /Qanat Mámetqazyuly/ ‑ 2010 jylǵy sáýir aıynda elimizdegi kúnkóristiń eń tómengi deńgeıiniń shamasy 12 myń 891 teńgeni qurady,
dep habarlaıdy QazAqparat Statıstıka agenttiginiń baspasóz qyzmetine silteme jasap.
«Negizgi tamaq ónimderin tutynýdyń eń tómengi normalarynan eseptelgen orta kórsetkishpen halyqtyń jan basyna shaqqandaǵy kúnkóristiń eń tómengi deńgeıiniń shamasy 2010 jylǵy sáýirde ótken aımen salystyrǵanda - 1,4 paıyz, 2009 jylǵy sáýirmen salystyrǵanda 4,2 paıyzǵa ósti. Onyń qurylymynda et pen balyqty satyp alýǵa jumsalǵan shyǵystardyń úlesi - 20 paıyz, sút, maı, toń maı ónimderi men jumyrtqany satyp alý - 16,7 paıyz, jemister men kókónister - 11,4 paıyz, nan jáne jarma ónimderi - 9 paıyz, qant, shaı jáne dámdeýishterdi satyp alý 2,9 paıyzdy qurady», delingen baspasóz aıǵaǵynda.
