Sáýirde koronavırýspen aýyratyndardyń sany artýy yqtımal - Bekshın

ALMATY. QazAqparat - Almaty qalasynyń bas memlekettik sanıtarlyq dárigeri Jandarbek Bekshın sáýir aıynda COVID-19 indetimen baılanysty jaǵdaıǵa boljam jasady, dep habarlaıdy QazAqparat tilshisi.

«Meniń oıymsha, sáýir aıynda aýrýdyń ósýi jalǵasady. Oǵan sebep koronavırýstyń mýtatsııalanǵan shtamdary. Siz bul vırýstyń erekshe ekenin kórip otyrsyz. Onyń ınkýbatsııalyq kezeńi óte qysqa. Onyń juǵý kórsetkishi joǵary. Sondyqtan sáýirde naýryzben salystyrǵanda ósim bolady. Biz pessımıstik jáne optımıstik boljamdar jasadyq. Biz aýrýshańdyq ósedi dep oılaımyz», - dedi J.Bekshın.

Buǵan deıin, Almaty qalasy sanıtarııalyq-epıdemıologııalyq baqylaý departamentiniń basshysy qaladaǵy qatań karantın sharalary óz nátıjesin bermegenin aıtqan bolatyn.