Sáýirde koronavırýsqa vaktsına alatyn kontıngent keńeıtilmek

NUR-SULTAN. QazAqparat – Sáýirde koronavırýsqa qarsy vaktsına alatyn kontıngent keńeıtiletin bolady. Bul týraly QR Densaýlyq saqtaý vıtse-mınıstri – Bas memlekettik sanıtar dáriger Erlan Qııasov aıtty, dep habarlaıdy QazAqparat tilshisi.

«Respýblıkada koronavırýs ınfektsııasyna qatysty vaktsınatsııa jalǵasyp jatyr. Búginde birinshi komponentpen 83 839 adamǵa ekpe jasaldy. 22 aqpannan bastap ekinshi komponentpen vaktsınatsııalaý bastaldy. 19 312 adam ekpe aldy. Qolaısyz jaǵdaılar tirkelgen joq. Vaktsınatsııa elimizdiń barlyq óńirinde júrip jatyr. 628 ekpe pýnkti qurylǵan. Onyń 451-i jumys istep tur. Barlyǵy da vaktsınany salqyn jerde ustaýǵa qajetti qural-jabdyqpen qamtamasyz etilgen», - dedi ol Ortalyq kommýnıkatsııalar qyzmetindegi baspasóz máslıhatynda.

Onyń atap ótýinshe, naýryz aıynyń sońyna deıin elimizde «Spýtnık V» vaktsınanyń 150 myń dozasy jetkiziletin bolady. Olar elimizdiń barlyq óńirine 1 sáýirge deıin bólinip beriledi.

«Osyǵan baılanysty sáýirde koronavırýsqa qarsy ımmýndaýǵa jatatyn kontıngenttiń keńeıetindigi kútilip otyr», - dedi Erlan Qııasov.