Sáýirde Qazaqstannan Baký arqyly munaı tranzıti birneshe esege artady

BAKÝ. QazAqparat - Naýryzda Baký-Tbılısı-Jeıhan (BTJ) munaı qubyry baǵyty boıynsha qazaqstandyq munaı tranzıtiniń jalpy kólemi shamamen 27 myń tonnany quraıdy, al sáýir aıynan bastap birneshe ese ósedi dep kútilýde, dep habarlaıdy QazAqparat Turan agenttigine silteme jasap.

Aıta ketý kerek, onyń 20 myń tonnasy Teńiz kenishindegi munaıdyń eki partııasy bolsa, 7 myń tonnasy - Qashaǵannan alynǵan synaq partııasy.

«QazMunaıGazdyń» málimetinshe, sáýirde Teńizden Kaspıı teńizi men BTJ arqyly álemdik naryqqa 125 myń tonna munaı shyǵýy múmkin.

Bul rette Qashaǵanmen munaı boıynsha kelissózder júrgizilýde.

SOCAR Midstream Operations (SOCAR-nyń enshiles kásiporny) túsindirmesine súıensek, qazaqstandyq munaıdy BTJ arqyly tasymaldaý SOCAR men «QazMunaıGaz» arasynda jasalǵan jáne jylyna 1,5 mıllıon munaı tranzıtin qarastyratyn kelisim negizinde júzege asyrylady.

2023 jyldyń sońyna deıin BTJ arqyly Qazaqstan munaıynyń Kaspıı teńizi arqyly tranzıti úshin Aqtaýdan Sanǵashal termınalyna deıin 12-14 tanker reısi josparlanǵan.

Qazirgi ýaqytta BTJ munaı qubyry arqyly Ázerbaıjan-Chırag-Gúneshlı ken oryndary blogynyń munaıy men Shah-Denız ken ornynyń kondensaty, sondaı-aq Túrkimenstan men Qazaqstannyń munaıy aıdalady.