Sáýirde elorda turǵyndary vaktsınamen keńinen qamtylady – Altaı Kólginov
NUR-SULTAN. QazAqparat – Elordaǵa koronavırýsqa qarsy vaktsınanyń qosymsha dozasy jetkiziledi. Bul jaıynda Nur-Sultan qalasynyń ákimi Altaı Kólginov Instagram paraqshasynda jazdy, dep habarlaıdy QazAqparat.
«Ár turǵyn karantın men onyń saldaryn sezindi. Búgin bıznes ókilderimen, Nur-Sultan qalasynyń kásipkerler palatasymen, sanıtarlyq dárigerlermen shaǵyn jáne orta bıznesti qoldaý sharalaryn, ekpe alý pýnktterin ashý, sanıtarlyq normalardy qatań saqtaı otyryp, keıbir bıznes sýbektilerine jumys jasaı berýge múmkindik beretin « Ashyq » jobasyn masshtabtaý máseleleri talqylandy», - dedi ol.
Onyń atap ótýinshe, koronavırýspen kúreste óte mańyzdy ádis – vaktsınatsııa men ujymdyq ımmýnıtetti qalyptastyrý.
«Birinshi kezeńde ekpeni koronavırýspen kúreste aldyńǵy shepte júrgen medıtsına qyzmetkerleri, muǵalimder, polıtsııa qyzmetkerleri jáne taǵy basqalary alyp jatyr. Sáýir aıynan bastap halyqty vaktsınatsııamen keńinen qamtýǵa kirisemiz. Memleket basshysynyń tapsyrmasyna sáıkes Densaýlyq saqtaý mınıstrligi «SK-Farmatsııamen» birlese halyqty barynsha qamtý úshin qalaǵa vaktsınalardyń qosymsha dozasyn jetkizedi», - dedi Altaı Kólginov.
