Sáýirde bir qyzmetkerdiń ortasha aılyq ataýly jalaqysy 105 289 teńgeni qurady - Statıstıka agenttigi
ASTANA. 16 mamyr. QazAqparat - 2013 jylǵy sáýirdegi bir qyzmetkerdiń ortasha aılyq ataýly jalaqysy 105 289 teńgeni qurady.
Bul týraly búgin QR Statıstıka agenttiginen habarlandy.
«Ataýly jalaqy ındeksi 2012 jylǵy sáýirge 107,9 paıyzdy, al naqty jalaqy ındeksi 101,4 paıyzdy qurady. Salalyq qurylymda eń úlken jalaqy ken óndirý ónerkásibi men karerlerdi qazýda begilendi - 210,1 myń teńgege (ortasha respýblıkalyq deńgeıden 2 esege asady), qarjy jáne saqtandyrý qyzmetinde - 199,7 myń teńge jáne kásibı, ǵylymı jáne tehnıkalyq qyzmette 198,9 myń teńge kóleminde (1,9 ese) belgilendi»,-delingen agenttik málimetinde. Sonymen qatar eń tómengi jalaqy aýyl, orman jáne balyq sharýashylyǵy qyzmetkerlerinde belgilendi - 48,0 myń teńge, bul el boıynsha orta kórsetkishten 54,4 paıyzǵa tómen.
Óńirlik bóliniste eń joǵary jalaqy Mańǵystaý oblysynda baıqaldy - 190,0 myń teńge, bul ortasha respýblıkalyq kórsetkishten 1,8 esege asady. Soltústik Qazaqstan oblysynda munyń shamasy 70,1 myń teńgeni qurady, bul el boıynsha ortasha deńgeıden 33,4 paıyzǵa tómen.
