Sáýirde azamattardyń qaı sanaty vaktsına alady
NUR-SULTAN. QazAqparat – QR Densaýlyq saqtaý mınıstrligi Sanıtarlyq-epıdemıologııalyq baqylaý komıtetiniń tóraıymy Aıjan Esmaǵambetova sáýirde azamattardyń qaı sanatyna koronavırýsqa qarsy vaktsına salynatyndyǵyn aıtty, dep habarlaıdy QazAqparat tilshisi.
«Birinshi kezeńde medıtsına qyzmetkerlerine, pedagogtarǵa, kúshtik qurylymdardyń ókilderine ekpe jasadyq. Osy sanatqa vaktsınatsııa jalǵasa beredi. Vaktsınanyń qosymsha úlken jetkizilimi túsetindigin eskere otyryp, sozylmalyq aýrýlary bar, táýekel tobyna kiretin adamdardy vaktsınalaý kózdeledi. Sonymen qatar medıtsınalyq-áleýmettik jáne ózge de jabyq mekemelerdiń qyzmetkerleri men kontıngenti vaktsına alady. Óıtkeni, jabyq mekemelerde koronavırýs ınfektsııasynyń taralýy táýekeli birshama joǵary», - dedi ol.
Onyń atap ótýinshe, aldaǵy ýaqytta halyqtyń basqa sanattary, onyń ishinde 65 jastan asqan zeınetkerler de koronavırýs ınfektsııasyna qarsy ekpeni birtindep alatyn bolady.
«Qaraǵandy medıtsınalyq farmatsevtıka kesheninde 600 myń doza vaktsına shyǵarylatyn bolady. Bul osy ýaqytqa deıin jasalǵan kelisimshart aıasynda júzege asyrylady. Qazirgi ýaqytta qosymsha qajet ekpege baılanysty «Spýtnık V» vaktsınasyn óndirýshilermen kelissóz júrgizilip jatyr», - dedi Aıjan Esmaǵambetova.
