Sáýirde 81,5 myń almatylyq koronavırýsqa qarsy vaktsına saldyrady
ALMATY. QazAqparat - Sáýirde 81,5 myń almatylyqty koronavırýsqa qarsy vaktsınatsııalaý josparlanyp otyr. Bul týraly qalalyq qoǵamdyq densaýlyq saqtaý basqarmasy málim etti, dep habarlaıdy QazAqparat tilshisi.
Qoǵamdyq densaýlyq saqtaý basqarmasynyń málimetinshe, «Spýtnık V» vaktsınasynyń alǵashqy transhy qalaǵa aqpan aıynda jetkizildi.
«Spýtnık V» vaktsınasynyń birinshisi 1750 dozasy aqpanda alynyp, eki komponent te 100 paıyzǵa ıgerildi. Ekinshisi naýryzda 10 800 doza kóleminde boldy. Birinshi komponent 100 paıyzǵa ıgerildi, revaktsınatsııa bastaldy. Úshinshi 3200 doza naýryzda keldi. Birinshi komponent 100 paıyzǵa ıgerildi, revaktsınatsııa úshin ekinshi komponentti kútip otyrmyz. Sáýirde 81 500 doza jetkizilýi tıis. ıAǵnı sáýirde 81 500 almatylyq «Spýtnık V» vaktsınasyn saldyrady» dep habarlady basqarmadan.
Sonymen qatar, basqarmadaǵylar mamyr aıynda vaktsınanyń 65 200 dozasyn jetkizý josparda ekenin atap ótti. Biraq bul aldyn ala derekter, óıtkeni densaýlyq saqtaý mınıstrligi Almatyǵa jetkiziletin vaktsınany kóbeıtý máselesin qarastyryp jatyr.
Buǵan deıin, Almaty qalalyq qoǵamdyq densaýlyq saqtaý basqarmasynyń ókili, telemedıtsına ortalyǵynyń dırektory Laýra Myrzaǵalı saýda úıleri men bazarlardaǵy halyqty vaktsınatsııalaý máselesi pysyqtalyp jatqanyn aıtqan bolatyn.
