Sáýir-naýryz aılarynda turǵyn úı baǵasy 5-7 paıyzǵa tómendeıdi- «BTA Ipoteka» AQ prezıdenti
ALMATY. Aqpannyń 3-i. QazAqparat /Erbol Azanbek/ - Bıyl sáýir-naýryz aılarynda turǵyn úıdiń baǵasy 5 paıyzǵa tómendeıdi. Bul týraly búgin Almatyda ótken baspasóz máslıhatynda «BTA ıpoteka» AQ ókilderi málim etti,
dep habarlaıdy QazAqparat.
«BTA ıpoteka» AQ prezıdenti Saǵyndyq Qusaıynovtyń aıtýynsha, búgingi tańda jyljymaıtyn múlik naryǵy baǵalyq jaǵynan quldyraý shegine jetti. «2008 jyly úı baǵasy Almaty qalasynda 35 paıyzǵa, 2009 jyly taǵy 20 paıyzǵa tómendedi. Bıyl ótken jyldardaǵydaı qatty quldyraý oryn almaıdy. Degenmen qys maýsymyna baılanysty sáýir-naýryz aılarynda az tómendeý bolady», deıdi S.Qusaıynov. Onyń aıtýynsha, 2010 jyldyń ortasynan bastap úı baǵasy azdap kóteriledi. Al ıpotekalyq nesıelendirý salasynda azdaǵan belsendilik paıda bolyp, 10-15 paıyzǵa artady.
