Sáýir aıynyń ortasyna qaraı respýblıkanyń barlyq aýmaǵynda aýa raıy jylynady
ASTANA. QazAqparat - Sáýir aıynyń basynda respýblıkada jeldi, sýyq aýa raıy kútiledi. Eldiń soltústik bóliginde jaýyn-shashyn men kóktaıǵaq bolsa, ońtústik aımaqtarda - kún kúrkirep, jaýyn-shashyndy bolady.
Bul týraly «Qazgıdromet» saıtynda habarlanǵan.
Aıdyń ortasyna qaraı Qazaqstannyń barlyq aımaǵynda derlik maýsymǵa tán emes jyly aýa raıy, al eldiń ońtústik-batysynda tipti ystyq aýa raıy bolady dep kútiledi.
Qazaqstannyń soltústik bóliginde - 20...28 gradýsqa deıin jylynsa;
Respýblıkanyń ońtústigindegi aımaqtarda - 30...37 gradýsqa deıin ysıdy.
Aýa temperatýrasynyń osylaı kúrt jylynýy qar erý protsesin jyldamdatyp, ol sý tasqyny qaýpin ulǵaıtady.
Úshinshi onkúndikte aýa temperatýrasy qaıta ózgerip, nóserli jaýyndar jaýyp, keıbir óńirlerde burshaq jaýýy yqtımal.
