Sáýir aıynyń kelýine oraı kún jylyna túsedi - sınoptıkter

ASTANA. QazAqparat - Aldaǵy úsh kúnde Qazaqstannyń basym bóliginde aýa raıyn aýqymdy soltústik-batys antıtsıklonynyń yqpalynda bolady, kún jaýyn-shashynsyz, ashyq bolady, dep habarlaıdy QazAqparat «Qazgıdromet» RMK-ǵa silteme jasap.

«Kúndiz salqyn aýa massalary birtindep jylynady. Tek respýblıkanyń batys, ońtústik jáne ońtústik-shyǵys oblystary belsendi frontaldy ýchaskeleri bar ońtústik tsıklonynyń yqpalynda bolyp, kún qubylyp turady, naızaǵaı jarqyldap, qatty jaýyn jaýady», - delingen sınoptıkter habarlamasynda.

Boljam boıynsha, Qazaqstanda jeldiń jyldamdyǵy sekýndyna 15-25 m deıin kúsheıip, ońtústikte shańdy daýyl soǵady. Ońtústikte jáne ońtústik-shyǵysta túnde 1-6 gradýs aıaz bolady.

Batysta jáne soltústik-batysta aýa temperatýrasynyń kúndiz 13-20 gradýsqa deıin, soltústikte 7-15 gradýsqa deıin, respýblıka ortalyǵynda 10-20 gradýsqa deıin, shyǵysta - 0-10 gradýsqa deıin birtindep kóterilýi boljanyp otyr. Ońtústik-shyǵysta 5-18 gradýs jyly bolady.