Sáýir aıynda jumyssyzdyq deńgeıi 6,1 paıyzdy qurady
ASTANA. Mamyrdyń 12-si. QazAqparat /Qanat Mámetqazyuly/ - Statıstıka agenttiginiń málimetterine qaraǵanda respýblıka ekonomıkasynda 2010 jylǵy sáýirde (baǵalaý boıynsha) 8,2 mln. adam jumyspen qamtyldy,
dep habarlaıdy QazAqparat.
Ótken jylǵy sáıkes kezeńge qaraǵanda olardyń sany 327,9 myń adamǵa nemese 4,2 paıyzǵa kóbeıdi. Jaldamaly qyzmetkerlerdiń sany atalǵan kezeńde 5,4 mln. adamdy (jumyspen qamtylǵandardyń jalpy sanynan 66,5 paıyzdy) qurady.
Aǵymdaǵy jylǵy sáýirde jumyssyzdar sany, baǵalaý boıynsha, 535,3 myń adamdy, jumyssyzdyq deńgeıi 6,1 paıyzdy qurady. Qazaqstan Respýblıkasy Eńbek jáne halyqty áleýmettik qorǵaý mınıstrliginiń jumyspen qamtý organdarynda 2010 jylǵy sáýirdiń sońyna 87,4 myń adam resmı tirkelgen. Jumyssyzdar retinde tirkelgenderdiń úlesi ekonomıkalyq turǵydan belsendi halyqtyń 1,0 paıyz qurady.
2010 jylǵy sáýirde baǵalaý boıynsha jasyryn jumyssyzdyq deńgeıi ekonomıkalyq turǵydan belsendi halyqtyń 0,5 paıyzyna teń bolǵan.
