Sáýir aıynda turǵyn úı naryǵynda baǵa tómendedi

ASTANA. QazAqparat - 2016 jylǵy sáýirde ótken aımen salystyrǵanda turǵyn úı naryǵyndaǵy baǵalar ózgeriske ushyrady.

QR Ulttyq ekonomıka mınıstrligi Statıstıka komıtetiniń habarlaýynsha, esepti kezeńde abattandyrylǵan turǵyn úılerdi alyp satý baǵalary 0,4 paıyz, abattandyrylmaǵan turǵyn úılerdi jáne jańa turǵyn úılerdi satý - 0,1 paıyzǵa tómendedi. Abattandyrylǵan turǵyn úıdi jalǵa alý tólemi ózgerissiz qaldy.

Atap aıtqanda, jańa turǵyn úılerdi satý 2016 jyldyń sáýir aıynda respýblıka boıynsha ortasha eseppen alǵanda sharshy metrine 253 myń 191 teńgeni quraǵan. Abattandyrylǵan turǵyn úılerdi alyp satý sharshy metrine 193 227 teńgeni qurasa, abattandyrylǵan turǵyn úılerdi alyp satý 115 myń 493 teńge boldy. Al abattandyrylmaǵan turǵyn úılerdi jalǵa berý tólemi sharshy metrine 1298 teńgeni qurap, ótken aımen salystyrǵanda ózgerissiz qaldy.