Sáýir aıynda Qazaqstanǵa Valentına Matvıenko keledi

NUR-SULTAN. QazAparat – Sáýir aıynyń sońynda Reseı Federatsııasy Federaldyq Jınalysy Federatsııa Keńesiniń tóraǵasy Valentına Matvıenkomen Qazaqstanǵa keledi. Bul týraly Reseıdiń Syrtqy ister mınıstri Sergeı Lavrov málimdedi, dep habarlaıdy QazAqparat tilshisi.

«Sáýir aıynyń sońynda Federatsııa Keńesiniń Tóraǵasy Valentına Matvıenkonyń Qazaqstanǵa sapary josparlanǵan. Bul da parlamenttik yntymaqtastyqtyń dáıekti damýyn kórsetedi», - dedi Sergeı Lavrov.

Buǵan deıin habarlaǵanymyzdaı, Nur-Sultanda QR Syrtqy ister mınıstri Muhtar Tileýberdi reseılik áriptesi Sergeı Lavrovpen kezdesý ótkizip jatyr.

«Búginde eki el arasyndaǵy qatynastar barlyq baǵyttar boıynsha strategııalyq áriptestik pen odaqtastyq rýhynda qarqyndy damyp keledi. Qarqyndy saıası dıalog jolǵa qoıylǵan, bizdiń elderimizdiń Qaýipsizdik Keńesteri deńgeıinde parlamentaralyq yntymaqtastyq serpini qoldaý tabýda, tereń ekonomıkalyq baılanystar ornyqqan. Ekonomıkalyq ıntegratsııa protsesi júıeli túrde alǵa jyljyp keledi. Áskerı-tehnıkalyq, mádenı-gýmanıtarlyq jáne basqa da salalardaǵy yntymaqtastyq nátıjeli damýda. Óńiraralyq baılanystar keńeıýde», - dedi kezdesýdi ashqan Muhtar Tileýberdi.