Sáýir aıynda Qazaqstanda jumyssyzdyq 5,3 paıyzdy qurady
ASTANA. 13 mamyr. QazAqparat - Respýblıka ekonomıkasynda 2013 jylǵy sáýirde 8,6 mln. adam jumyspen qamtyldy. Ótken jylǵy sáıkes kezeńge qaraǵanda olardyń sany 61,5 myń adamǵa nemese 0,7 paıyzǵa kóbeıdi.
Bul týraly búgin QR Statıstıka agenttiginen habarlandy.
Jaldamaly qyzmetkerlerdiń sany atalǵan kezeńde 5,9 mln. adamdy (jumyspen qamtylǵandardyń jalpy sanynan 69,2%) qurady.
«2013 jylǵy sáýirde jumyssyzdar sany, baǵalaý boıynsha 479,4 myń adamdy qurap, jumyssyzdyq deńgeıi 5,3 paıyz kóleminde boldy. Qazaqstan Respýblıkasy Eńbek jáne halyqty áleýmettik qorǵaý mınıstrliginiń jumyspen qamtý organdarynda 2013 jylǵy sáýir aıynyń sońyndaǵy derekter boıynsha 65,7 myń adam («Jumyspen qamtý 2020» baǵdarlamasyna qatysatyndar quramyna engizilgen tulǵalardyń esebinsiz) resmı tirkelgen. Tirkelgen jumyssyzdar úlesi ekonomıkalyq turǵydan belsendi halyqtyń 0,7 paıyzyn qurady (2012 jylǵy sáýirde - 0,8%)»,-delingen agenttik málimetinde.
