Sáýir aıynda ınflatsııa deńgeıi 0,5 paıyz boldy - QR Ulttyq banki
ATY. 10 mamyr. QazAqparat /Erbol Azanbek/ - QR Statıstıka agenttiginiń resmı derekteri boıynsha, sáýirde ınflıatsııa 0,5 paıyz (2010 jylǵy sáýirde - 0,7%) deńgeıinde qalyptasty. Bul týraly búgin Ulttyq bank tóraǵasy G.Marchenkonyń qatysýymen ótken baspasóz máslıhatynda aıtyldy.
Sáýirde azyq-túlik taýarlarynyń baǵasy 1,0 paıyzǵa, azyq-túlikke jatpaıtyn taýarlar - 0,2 paıyzǵa ósken. Azyq-túlik taýarlary naryǵynda ótken aıda kóbinese jumyrtqa - 3.4 paıyzǵa, qant - 2.1, et jáne et ónimderi - 1.3, kondıterlik buıymdar - 1.2, nan jáne jarma ónimderi - 1.1 paıyzǵa, onyń ishinde jarma - 3.6 jáne bıdaı uny - 1.3, maı jáne toń maılar - 1,0 paıyzǵa qymbattady. Kúrish kerisinshe 0,4 paıyzǵa arzandaǵan.
Azyq-túlikke jatpaıtyn taýarlar tobynda benzın - 0,4, dári-dármekter jáne kıim men aıaq kıim baǵasy - 0,3 paıyzǵa ósti. Dızel otynynyń baǵasy 0,8 paıyzǵa arzandady.
Aqyly qyzmet kórsetý qurylymynda turǵyn úı-kommýnaldyq salanyń qyzmet kórsetýi úshin aqy tóleý 0,1 paıyzǵa (sýyq sýǵa aqynyń tómendeýi esebinen - 1,2%) arzandaǵan. Bul rette elektr energııasy úshin aqy ózgergen joq, ystyq sý jáne ortalyq jylytý 0.7, káriz úshin - 0.2 paıyzǵa tómendedi. Ambýlatorlyq qyzmet kórsetý 0.3 paıyzǵa qymbattaǵan.
«Jalpy jyl basynan beri qańtar-sáýir aılarynda ınflıatsııa 4,2 paıyzdy (2010 jylǵy qańtar-sáýirde - 3,6%) qurady. 4 aıda ınflıatsııa qarqynynyń jedel damýyna azyq-túlik taýarlarynyń qymbattaýy sebepshi boldy, olardyń baǵasy osy kezeńde 7,1 paıyzǵa (2010 jylǵy qańtar-sáýirde - 4,7%) ósti. Azyq-túlikke jatpaıtyn taýarlar 1,2 paıyz (1,6%) jáne aqyly qyzmet kórsetý - 3,7 paıyzǵa (4,1%) qymbattady»,- dedi Ultyq bank basshysy.
