Sáýir aıynda halyqtyń ortasha aqshalaı tabystary 49 myń 450 teńgeni qurady - Statıstıka
ASTANA. 13 tamyz. QazAqparat - 2012 jylǵy sáýirde halyqtyń ortasha jan basyna shaqqandaǵy ataýly aqshalaı tabystary aldyn ala berilgen derekter boıynsha 49 myń 450 teńgeni qurap, 2011 jylǵy tıisti kezeńmen salystyrǵanda 13,8 paıyzǵa artty.
Al naqty aqshalaı tabystar 8,6 paıyzǵa ósti. Bul týraly Statıstıka agenttiginiń baspasóz qyzmetinen habarlandy.
Agenttik málimetterine qaraǵanda, 2012 jylǵy sáýirde ortasha jan basyna shaqqandaǵy aqshalaı tabystardyń kólemi boıynsha Atyraý, Almaty qalasy jáne Mańǵystaý oblystary aldyńǵy qatarda, munda osy kórsetkish ortasha respýblıkalyq deńgeıden 2,4 -1,7 esege artyq. 2012 jylǵy sáýirde tabystary eń tómen óńirler qatarynda Ońtústik Qazaqstan, Jambyl jáne Almaty oblystary belgilendi, osy óńirlerde halyqtyń tabys mólsheri respýblıkalyq deńgeıden 60,5 paıyz jáne 77,5 paıyzdy qurady. Sonymen qatar, halyqtyń naqty aqshalaı tabystarynyń eń kóp ósý qarqyny Mańǵystaý jáne Qostanaı oblystarynda belgilendi.
2012 jylǵy sáýirde óńirler boıynsha ataýly aqshalaı tabystardyń eń joǵary jáne eń tómen mólsherleri arasyndaǵy araqatynas 3,9 eseni qurady. Bul 2011 jylǵy sáýirge qaraǵanda 3,8 ese kóp.
