Sáýir aıynda elimizdegi kúnkóristiń eń tómengi deńgeıi 19 038 teńgeni qurady
ASTANA. QazAqparat - 2015 jylǵy sáýirde kúnkóristiń eń tómengi deńgeıiniń shamasy 19 038 teńgeni qurady. Bul týraly Ulttyq ekonomıka mınıstrligi Statıstıka komıtetiniń baspasóz qyzmetinen habarlandy.
Atap aıtqanda, negizgi tamaq ónimderin tutynýdyń eń tómengi normalarynan eseptelgen orta eseppen halyqtyń jan basyna shaqqandaǵy kúnkóristiń eń tómengi deńgeıiniń shamasy 2015 jylǵy sáýirde ótken aımen salystyrǵanda 0,1 paıyzǵa, 2014 jylǵy sáýirmen - 4,1 paıyzǵa ósti.
«Onyń qurylymynda et pen balyqty satyp alýǵa jumsalǵan shyǵystardyń úlesi 21,9 paıyz, sút, maı jáne toń maı ónimderi men jumyrtqany - 17 paıyz, jemister men kókónisterdi - 11,1 paıyz, nan jáne jarma ónimderin - 8 paıyz, qant, shaı jáne dámdeýishterdi - 2 paıyzdy qurady», - delingen baspasóz baıanynda.
