Sáýir aıynda eksport baǵasy tómendep, ımporttyq baǵalar birshama kóterilgen
ASTANA. Maýsymnyń 11-i. QazAqparat /Qanat Mámetqazyuly/ - 2010 jyldyń sáýir aıynda eksporttyq jetkizilimderge baǵanyń tómendep, ımportqa artqany baıqaldy.
Máselen, aǵymdaǵy sáýir aıynda naýryz aıymen salystyrǵanda elimizden eksporttalatyn taýarlar baǵasy 5,1 paıyzǵa tómendese, ımporttalatyn taýarlarǵa 0,5 paıyzǵa artqan.
«Esepti aı ishinde eksporttyq taýarlar baǵasynyń tómendeýi qorǵasynǵa - 8,8 paıyz, myryshqa - 7,6 paıyz, munaıǵa - 7,1 paıyz, kómirge 2,9 paıyz deńgeıinde baıqaldy. Al baǵanyń ósýi gaz kondensatyna - 3,2 paıyz, qara metalǵa - 2,5 paıyz, munaı ónimderine 2,4 paıyzdy qurady. Budan bólek, júnniń baǵasy 16,4 paıyzǵa arzandasa, astyq 4 paıyzǵa, maqta 0,8 paıyzǵa qymbattaǵan.
Importyq túsimderge keletin bolsaq, kofe - 15 paıyzǵa, qus eti - 10,6 paıyzǵa, farmatsevtıkalyq ónimder - 8 paıyzǵa, toqyma buıymdary - 5,1 paıyzǵa, qant - 2,7 paıyzǵa, kúrish - 2,5 paıyzǵa, kúnbaǵys maıy - 0,8 paıyzǵa qymbattaǵan. Al kerisinshe, temeki - 10,9 paıyzǵa, balyq - 5,3 paıyzǵa, shaı - 5,2 paıyzǵa, aıaq kıim 0,1 paıyzǵa arzandaǵan.
