Sáýir aıynda azyq-túlik taýarlarynyń baǵasy
ASTANA. Mamyrdyń 4-i. QazAqparat /Qanat Mámetqazyuly/ ‑ 2010 jylǵy sáýir aıynda elimizdegi azyq-túlik taýarlarynyń baǵasy 2009 jylǵy sáýirmen salystyrǵanda 5,3 paıyzǵa ósip otyr.
Bul týraly QazAqparat Statıstıka agenttiginiń baspasóz qyzmetine silteme jasap habarlaıdy.
Keltirilgen málimetterge qaraǵanda, 2010 jylǵy sáýirde 2009 jyldyń sáýirimen salystyrǵanda baǵa qantqa - 33,8 paıyz, kofe, shaı jáne kakaoǵa - 14 paıyz, kondıterlik ónimderge - 8,6 paıyz, toqash pen un ónimderine 6,5 paıyzǵa ósken. Budan bólek, alkogoldi ishimdikterge baǵanyń artýy 6 paıyzdy qurasa, sút ónimderine - 5,5, maı jáne toń maıǵa 4,6 paıyz deńgeıinde qalyptasqan. Kerisinshe, baǵanyń tómendeýi unǵa 17,4 paıyz, jarmaǵa - 6,1 paıyz, nanǵa - 2,8 paıyz, jemister men kókónisterge - 1,6 paıyz, makaron ónimderine 0,6 paıyz shamasynda baıqaldy.
Sonymen birge, esepti kezeńde et jáne et ónimderi baǵasynyń ósimi 8,8 paıyzdy qurady. Shoshqa etine baǵa deńgeıi - 11,3 paıyz, shujyq ónimderine - 7,6 paıyz, qoı etine - 4,5 paıyz, jylqy etine jáne qus etine 3 paıyz kórsetkish boıynsha joǵarylaǵan.
