Sáýir aıynda Almaty abaqtysynan qashqan beseýdiń sońǵysy ustaldy
ASTANA. Qarashanyń 9-y. QazAqparat /Ǵalymjan Hasenov/ - Aǵymdaǵy jyldyń sáýir aıynda Almaty tergeý abaqtysynan qashqan beseýdiń sońǵysy ótken demalys kúnderi ustaldy,
dep habarlaıdy Ádilet mınıstrliginiń Qylmystyq-atqarý júıesi komıtetiniń baspasóz qyzmetinen.
Esterińizge sala keteıik, aǵymdaǵy jyly sáýirdiń 22-sinde Almaty tergeý abaqtysynan 5 adam qashyp ketken bolatyn. Buryn sottalmaǵan 19 ben 31 jastyń aralyǵyndaǵy olar kisi tonaý, urlyq-qarlyq jáne esirtki taratý qylmystary úshin tergelip jatqan. Jedel izdestirý sharalarynyń arqasynda, kelesi kúni Almaty oblysy Eńbekshiqazaq aýdanyndaǵy Qazaqstan aýylynyń shetinde álgilerdiń úsheýi ustaldy, tórt saǵattan keıin - Іle aýdanynyń Boraldaı aýylynda tórtinshi qashqyn ustaldy. Besinshi qashqyn sol joly qutylyp ketken edi.
Sodan beri izdeýde júrgen ol ótken aptada ustaldy. Qylmystyq-atqarý júıesiniń qyzmetkerleri Almaty Іshki ister departamenti qylmystyq polıtsııasyndaǵy áriptesterimen birlesip, qylmyskerdi Almaty oblysynyń Qarasaı aýdanynda qolǵa túsirdi.
