Sáýegeı segizaıaqqa eskertkish ashylmaq
ASTANA. 20 qańtar. QazAqparat - Kóripkeldik qasıetimen tanylyp, aty aıdaı álemge jaıylǵan segizaıaq Paýlge búgin onyń týǵan qalasy Oberhaýzende eskertkish ashylady,
dep habarlaıdy «Maıak» radıosy.
Álemdegi eń tanymal mollıýks ótken jyldyń qazan aıynda ólip qalǵan bolatyn. Paýl ómir súrgen okeanarıýmnyń qyzmetkerleri oǵan eskertkish ornatpaq.
Fýtboldan álem chempıonaty kezinde álemge sáýegeıligimen tanylǵan segizaıaq Paýlge kezinde ıspan azamattyǵy da berilgen edi. Oǵan qosa, mollıýsk Ispanııanyń soltústik-batysyndaǵy shaǵyn Karbalıno degen qalashyqtyń qurmetti azamaty atandy.
Paýldiń kúlin saqtaý úshin altynnan jasalǵan saýytqa tapsyrys berilgen. Saýyt fýtbol doby túrindegi eskertkishtiń ishine qoıylmaq.
