Saýdııalyq stýdent qyzdyń oılap tapqan qurylǵysy qazaqqa tańsyq emes

Eger qodanysqa engizetin bolsa, bul jol saqshylary úshin tıimdi qurylǵy bolatyn edi. Qurylǵy lazerlik sáýleniń elektrondyq tehnıkaǵa áseri etýi arqyly jumys isteıdi. Bul jetistigin Dı Áziz áz-Zafır esimdi stýdent ulttyq ǵylymı ınnovatsııa olımpıadasynda usyndy. Onyń aıtýynsha, qurylǵy elektromagnıttik sáýle bólý negizinde jumys isteıdi. Ol óz kezeginde avtokóliktiń elektronıkasyna áser etedi. Polıtsııa qurylǵyny paıdalanǵan kezde tártip buzǵan mashına ózdiginen toqtaıdy, dep jazady muslim.kz saıty.

Ol 200-300 metrqashyqtyqtan da áser ete alady. Stýdenttiń sózine qaraǵanda, onyń mashınaǵa tıgizer jaǵymsyz áseri bolmaıdy. Ony paıdalanbas buryn aldymen erejeni buzǵan júrgizýshige eskertý jasaýy tıis. Júrgizýshi polıtsııanyń eskertýine qulaq aspaǵan jaǵdaıda ǵana ony qoldaný kerektigin alǵa tartty stýdent.

Ónertapqysh qyz Saýd Arabııasynyń ІІM-niń bul jańalyqqa beı-jaı qaramaıtynyna jáne aldaǵy ýaqytta álem naryǵyna shyǵarylatynyna úmittenedi.

Desek te, bul jańalyq qazaq úshin tańsyq emes. Sebebi, elimizge tanymal tarıhshy, ǵalym, professor Qoıshyǵara Salǵaraulynyń balasy Almat Salǵara osyndaı tehnologııada, dál osyndaı maqsatta paıdalanylatyn «Alash» júıesi» dep atalatyn qurylǵy oılap tapqan bolatyn. «Alash» júıesi - avtokóliktiń bel­gi­lengen jyldamdyq sheginen asýyna múm­kindik bermeıtin, jyldamdyqty máj­búr­lep shekteıtin, júrgizýshi qansha tyrysyp, te­mir tulparyn «tebinse de» jyldamdyq­ty shekten asyra almaıtyn yryqtandyr­ǵysh «qudireti» bar qurylǵy», - deıdi Almat Salǵara. Ónertapqyshtyń bul jetistigi álemde birinshi ekenin de aıta ketýimiz kerek.