Saýdııalyq ǵalymdar Ramazanda asty ysyrap etpeýge úndeýde
ASTANA. 3 tamyz. QazAqparat - Saýd Arabııasynyń ıslam ǵalymdary óz ýaǵyzdarynda Ramazan aıynda musylmandardy asty ysyrap etpeýge shaqyrdy. Bul jaıynda Muslim.kz habarlady.
«Aýyzashardan keıin as qaldyqtaryn ádette qoqysqa tastap jatady. Muny óz kózimmen kórgen soń aıtyp otyrmyn», - dedi ǵalymdardyń biri.
Sondaı-aq, ysyrapshyldyqqa dinimizde tyıym salynǵanyn tilge tıek etken ǵalym artylyp qalǵan as-aýqatty jaǵdaıy tómen, turmysy jupyny adamdarǵa úlestirip berýdiń saýapty is ekenin jetkizdi.
«Ysyrapshyldyq kúná ári joqshylyqtyń zardabyn tartqan muqtaj jandardyń basyndaǵy jaǵdaıdy túsinýge bastaıtyn orazanyń ǵıbratyn joqqa shyǵarady», - dedi Muhammed Zákı esimdi ǵalym.
«As - Allanyń nyǵmeti ári adamnyń arqaýy. Ony ysyrap etý Allanyń nyǵmetin keri tepkenmen birdeı áreket», - dedi Jıdda meshitteriniń bir ımamy ıAsır Ábý Raııan.
