Saýdııalyq ınjener taq murageriniń qımylyn emodzı retinde usyndy
ASTANA. KAZINFORM — Saýd Arabııasynyń ınjeneri Álı ál-Matrafı taq murageri Muhammed bın Salmannyń AQSh prezıdenti Donald Trampqa jasaǵan qımylynan shabyt alyp, jańa emodzı ázirledi, dep jazady The National.
Atalǵan qımyl arab ınternet keńistiginde jappaı taraldy. Ol Tramptyń Saýd Arabııasyna resmı sapary kezinde Er-Rııadtaǵy ınvestıtsııalyq forýmda Sırııaǵa salynǵan sanktsııalardy alyp tastaıtynyn jarııalaǵan sátte túsirilgen bolatyn.
Kópshilik qol shapalaqtaǵan kezde Muhammed bın Salman kúlgen kúıi eki qolyn keýdesine qoıyp, arab mádenıetine tán shynaıy alǵys bildirý belgisin jasady.
🇺🇸🇸🇦 📺Crown Prince #MbS's reaction to US President Trump's statement on lifting American sanctions on Syria.#منتدى_الاستثمار_السعودي_الأمريكي. pic.twitter.com/fJkEF4ijMO
— Sylwester S. Wierzbowski (@wierzbowski_s) May 13, 2025
— Bul alǵys bildirýdiń aıaqasty týǵan shynaıy ısharaty boldy. Kóptegen saýdııalyq osy sátten úlken áser aldy. Men ony máńgi este qaldyrýym kerek dep sheshtim, — dedi ál-Matrafı.
Onyń emodzıi — aq tústi thob (dástúrli arab kıimi) men qyzyl-aq shemag (kýfııa) kıgen, kúlimsiregen, qoldaryn keýde tusynda aıqastyrǵan er adam beınesi. Ál-Matrafıdiń aıtýynsha, bul emodzı qarapaıym «raqmet» emes, «shyn kóńilden shyqqan alǵys» sımvoly.
Baǵdarlamashy bul emodzıdi halyqaralyq emodzı standarttaryn belgileıtin Unicode konsortsıýmyna resmı túrde usynǵan. Onyń sózinshe, tehnıkalyq turǵyda jasaǵannan qaraǵanda ótinimdi rásimdeý áldeqaıda kúrdeli bolǵan jáne bekitý protsesi eki jyl nemese odan da kóp ýaqyt alýy múmkin.
— Japondarda — kımono, úndilerde — sarı, frantsýzdarda — baget bar, al bizde Saýd Arabııasy men arab mádenıetin kórsetetin birde-bir emodzı joq, — dep atap ótti ınjener.
Ol bul bastama Saýd Arabııasy mádenıetine jáne Muhammed bın Salmannyń qyzmetine degen qyzyǵýshylyqty arttyrǵanyna qýanyshty ekenin bildirdi.
— Men úshin eń úlken marapat — bul meniń bastamama saýdııalyqtar men búkil aımaq halqynyń bildirgen mahabbaty men qoldaýy. Mundaı áser kútpegen edim, — dedi ol.
فعلًا ما عندنا تمثيل واسع من ثقافتنا، رموز تمثّل الرجل السعودي أو الشماغ والدلة والفنجان والأكل الخ ، بينما ثقافات ثانية لها تمثيل واسع جدًا في Unicode:
— علي المطرفي (@almatrafi_dev) May 16, 2025
عشان كذا احتاج دعمكم بمقترح ايموجيات من ثقافتنا الدلة الفنجان ، الشماغ الخ ،، نقدمها او ( بسوي شرح كيف تقدمها بنفسك )
احتاج:… https://t.co/xaaL5VuVy1 pic.twitter.com/x4XynTkJq2
Ál-Matrafıdiń X jelisindegi jazbasy 3,6 mıllıonnan astam qaralym jınap, júzdegen ret bólisilgen. Bul onyń eń tanymal jumystarynyń biri boldy. Ol qazirgi tańda kıberqaýipsizdik salasyna mamandar daıyndaıtyn Tývaık akademııasynda oqý baǵdarlamalaryn ázirleý baǵytyn basqarady.
Injenerdiń aıtýynsha, bul bastama bir ǵana emodzımen shektelmeıdi — ol Saýd Arabııasynyń mádenı beınesin jahandyq tsıfrlyq keńistikte kórsetýge baǵyttalǵan.
Ol áleýmettik jelilerde Unicode standarttarynda arab nemese saýdııalyq mádenıetti kórsetetin emodzılerdiń (shemag, shynyaıaq, ulttyq taǵamdar jáne t.b.) joq ekenin atap ótti.
— Basqa mádenıetter emodzı túrinde tanystyrylǵan: kımono, sarı, baget nemese bostandyq músini bar. Al bizdiń mádenıet áli de kóleńkede qalyp otyr, — dep jazdy ol.
Injener oqyrmandardy bul bastamany qoldaýǵa, sondaı-aq ózderiniń emodzı ıdeıalaryn usynýǵa shaqyrdy.
Osydan buryn AQSh pen Saýd Arabııasy qorǵanys salasynda 142 mlrd dollarlyq kelisimge qol qoıǵany habarlandy.