Saýdany damytýdyń 2021-2025 jyldarǵa arnalǵan baǵdarlama jobasy ázirledi
NUR-SULTAN. QazAqparat – Saýda salasyn damytýdyń 2021-2025 jyldarǵa arnalǵan memlekettik baǵdarlamasynyń jobasy ázirledi. Bul týraly halyq aldynda esep berýi barysynda Saýda jáne ıntegratsııa mınıstri Baqyt Sultanov aıtty, dep habarlaıdy QazAqparat tilshisi.
«Saýda jáne ıntegratsııa mınıstrligi Qazaqstan Respýblıkasynyń saýdasyn damytýdyń 2021-2025 jyldarǵa arnalǵan memlekettik baǵdarlamasy jobasyn ázirledi. Onda belgilengen mindetter men saýdany damytý vektorlary bıznespen jáne múddeli taraptarmen birneshe ret talqylanǵan», - dep málimdedi Sultanov.
Onyń aıtýynsha, qujatta salanyń jumys isteýin zańnamalyq jetildirý sharalary, sondaı-aq bıznesti qoldaý men saýda ınfraqurylymyn damytý quraldarynyń keń tizbesi qamtylǵan.
