Saýda Jelileri Odaǵy tegin paketterden bas tartady
NUR-SULTAN. QazAqparat - Saýda Jelileri Odaǵy Qazaqstan Respýblıkasynyń Ekologııa, geologııa jáne tabıǵı resýrstar mınıstrliginiń polıetılendi paketterdi birtindep qysqartý týraly bastamasyn qoldady, dep habarlaıdy QazAqparat.
Birinshi kezekte, Saýda Jelileri Odaǵyna kiretin kompanııalardyń barlyq dúkenderi polıetılendi paketterdi tegin taratýdan bas tartyp, tek aqyly túrde satatyn bolady.
Baǵa saıasaty jáne bastamany júzege asyrý merzimin ár kompanııa ózdiginshe sheshedi.
Saýda Jelileri Odaǵy óz satyp alýshylaryna plastık paketterge balama túrlerin usynýǵa daıyn.
Saýda Jelileri Odaǵynyń keıbir kompanııa-músheleri, mysalǵa alsaq, «Technodom Operator» jáne «VkýsMart» qazirgi kezde plastık paketterdi tek aqyly túrde satady. «KeńMart» jáne Magnum kompanııalary óz satyp alýshylaryna balama túrde bıoydyraıtyn paketterdi usynýda, jýyq arada osyndaı paketter «VkýsMart» kompanııa dúkenderiniń sórelerinde qoljetimdi bolady. METRO kompanııasy ashylǵan sátten bastap óz kassalarynda tek qana bıoydyraıtyn paketterdi satýda.
«KeńMart», «METPO Kesh end Kerrı» qazirgi tańda saýdaǵa arnalǵan kóp rettik sómkelerdi usynýda, jaqyn arada «VkýsMart» jáne «Magnum Sash&Sarry» (sonymen qosa Magnum qaǵaz kraftik paketterdi satylymǵa usynbaq) jelilerinde satylymǵa shyǵarylady.
Budan basqa, Magnum kompanııasy polıetılendi paketterdiń satylymynan túsken barlyq qarajatty qaıyrymdylyq qoryna jumsaıtyn bolady. Al, «METRO Kesh end Kerrı» kompanııasy 5 jyldan beri polıetılendi paketterdi satýdan túsken qarajatty qaıyrymdylyqqa jumsap otyr.
Eske salamyz, 2019 jyldyń 20 qyrkúıeginde Ekologııa, geologııa jáne tabıǵı resýrstar mınıstrligi, «Atameken» Qazaqstan Respýblıkasynyń Ulttyq kásipkerler palatasy jáne «Qazaqstannyń Ekologııalyq Uıymdar Qaýymdastyǵy» polıetılendi paketterdi qoldanystan birtindep shyǵarý týrady memorandýmǵa qol qoıdy. Memorandým boıynsha, polıetılendi paketterdi qoldanystan shyǵarý maqsatynda tegin taratýdan bas tartý kózdelýde.
Ekologııa, geologııa jáne tabıǵı resýrstar mınıstri Maǵzum Myrzaǵalıevtiń habarlaýynsha, Qazaqstanda jyl saıyn 5 mıllıon tonnadan astam paıda bolatyn qatty turmystyq qaldyqtardyń kem degende 11-15% plastmassa, onyń ishinde polıetılendi paketter quraıdy. Olardy tegin taratýdan bas tartý plastık paketterdi qoldanýdy kem degende 30% azaıtady.
«Saýda Jelileri Odaǵy» zańdy tulǵalar birlestigine «Mon Amie», «VkýsMart», «Technodom Operator», «Magnum Sash&Sarry», «KeńMart», «METPO Kesh end Kerrı» jáne basqa kompanııalary kiredi. Saýda Jelileri Odaǵynyń basty maqsaty adal básekelestikke jaǵdaı jasaý, Qazaqstan Respýblıkasynyń saýda naryǵynyń ınfraqurylymyn damytý, bólshek saýda salasynda ozyq tehnologııalar men qyzmet standarttaryn engizýge yqpal etý bolyp tabylady.
