Saýda jáne ıntegratsııa mınıstrligi aldynda qandaı mindetter tur
«Prezıdent Qasym-Jomart Toqaev saılaý aldyndaǵy tuǵyrnamasynda jáne jaqynda óziniń halyqqa arnaǵan Joldaýynda da bizdiń taýarymyzdy syrtqy naryqtarǵa ilgeriletýge asa nazar aýdardy. Saýda soǵysy dáýirinde biz eksporttaǵy pozıtsııamyzdy saqtap qalýǵa ǵana emes, sondaı-aq qazaqstandyq ónimniń basqa elderge ótkizilýin keńeıtýge tıistimiz. Bul rette, eksport qurylymyn shıkizat taýarlarynan óńdelgen ónimderge qaraı ózgertý jóninde aldymyzda mańyzdy mindet tur», - dep toqtaldy mınıstr Úkimet úıinde ótken baspasóz máslıhatynda.
Onyń sózine qaraǵanda, qazir kezde Úkimet eksportty damytýǵa baǵyttalǵan barlyq baǵdarlamalardy, ıaǵnı ındýstrııalyq-ınnovatsııalyq damý, bıznestiń jol kartasyn, kásipkerlikti qoldaýdyń ártúrli baǵdarlamalaryn úılestirý boıynsha jumys isteýde.
«Jýyrda Shıkizattyq emes taýarlar men kórsetiletin qyzmetterdiń eksportyn ilgeriletý jónindegi jol kartasy bekitildi. Qujatta taýardyń shetel naryqtaryna shyǵarý kezinde týyndaıtyn kedergilerdi tómendetýge erekshe nazar aýdarylǵan. Biz eksporttalǵan óńdelgen taýarlar jelisin keńeıtemiz, sondaı-aq eksporttaýshylardy qoldaýdyń qarjy jáne qarjy emes sharalaryn kúsheıtemiz. Jol kartasynyń aıasynda mashına jasaý salasynda shaǵyn jáne orta bızneske eń tómengi stavkamen nesıe berýdi, óńdeýshi ónerkásiptiń iri kásiporyndaryna nesıe stavkalaryn sýbsıdııalaýdy, úshinshi elderde qoımalardy uıymdastyrýdy josparlaýdamyz. Shet eldermen birge qurylys qyzmetteriniń standarttary men tehnıkalyq talaptaryn ózara tanýdy kózdep otyrmyz», - dedi B. Sultanov.
