Saýda úıiniń aldynda turǵan kólik órtenip ketti
ASTANA. QazAqparat - Pavlodarda «Artýr» saýda úıiniń kólik turaǵynda Lada Prıora markaly jeńil kólik janyp ketti, dep habarlaıdy pavlodarnews.kz .
Oblystyq TJD baspasóz qyzmetiniń habarlaýynsha, órt tórt sharshy metrge deıin ulǵaıyp, saǵat bes kezinde sóndirilgen. "Órtke qarsy bir tehnıka jáne tórt adam jumyldyryldy. Mashınanyń salony jáne motorynyń bir bóligi janyp ketipti. Tótenshe jaǵdaı neden oryn alǵany anyqtalýda. Abyroı bolǵanda zardap shekkender joq, jalyn jaqyn turǵan kólikke de jetkizbeı óshirildi", - deıdi TJD mamandary.
