Saýda-sattyq salasynyń qatysýshylaryna arnap Ar-namys kodeksin shyǵarý kerek - V. Dvoretskıı
ASTANA. Sáýirdiń 22-si. QazAqparat /Jasulan Amanbaıuly/ - «Nur Otan» partııasy saýda-sattyq salasynyń qatysýshylaryna Ar-namys kodeksin qabyldaý qajet dep esepteıdi. Búgin baǵa qalyptasýyndaǵy problemalyq máseleler. Daǵdarys sabaqtary» atty dóńgelek ústel otyrysynda «Nur Otan» HDP-niń Úkimettegi ókili Vladımır Dvoretskıı osy usynysty Úkimet aldyna tartatyndyǵyn málim etti,
dep habarlaıdy QazAqparat.
V. Dvoretskıı bul qadam baǵanyń jónsiz ósimine tosqaýyl bolar tetikterdiń biri dep sanaıdy. «Daǵdarys - Álemdegi barlyq elderde baǵany memlekettik retteýdiń tetikteri jetkiliksiz ekendigin kórsetti», deıdi ol. «Eýropa, basqa da elderde bul másele qalaı sheshilýde, negizgi taýarlardyń baǵalary qalaı retke keltirilip otyrady? Ol jaqta eń tanymal retteý quraly - Ar-namys kodeksi. Kodeks erikti túrde qabyldanǵanymen, onyń qaǵıdattaryn buzý ártúrli sanktsııalarǵa ákep soqtyrady», dep atap kórsetti V. Dvoretskıı.
Onyń aıtýynsha, qazirgi ýaqytta kóptegen jelilik, iri saýda oryndary ashylýda. Onyń ıesi bir adam bolǵandyqtan, ol óziniń naryqtyq kúshine paıdalana otyryp, óziniń talaptaryn qoıady. Bul óz kezeginde taýardyń qunyna áser etedi.
«Saýdanyń ár salasyndaǵy kásiporyndar men kásipkerlik sýbektileri baǵa ósirý arqyly emes, óndiris tıimdiligin arttyrý arqyly básekelestikke tótep berýi tıis. ıAǵnı óndiristik shyǵyndaryn azaıtyp, paıdasynyń kólemin ulǵaıtýy tıis», deıdi ol.
Búgingi dóńgelek ústeldiń bazalyq usynystary retinde QR Parlamenti májilisinde barlyq múddeli toptardyń qatysýymen arnaıy komıssııa qurý jaıy aıtyldy. Bul komıssııa baǵa saıasatynyń zańnamalyq tetikterin qalaı jetildirýge bolady degen suraqtyń tóńireginde jumys jasaıdy.
Dóńgelek ústelde Aýyl sharýashylyǵy mınıstrliginen, Ekonomıkalyq damý jáne saýda mınıstrliginen, Básekelestikti qorǵaý agenttiginen, Kedendik baqylaý komıtetinen, salyq organdarynan mamandar kelip qatysty. Sondaı-aq Qazaqstannyń kásipkerlik qaýymdastyqtarynyń ókilderi boldy. Qatysýshy sarapshylar «Qazaqstan Respýblıkasynyń keıbir zańnamalyq aktilerine saýda qyzmetin retteý máseleleri boıynsha ózgerister men tolyqtyrýlar engizý týraly» Qazaqstan Respýblıkasy Zańynyń jobasyndaǵy saýda-sattyq baǵalary men qyzmetterdiń baǵasyn retteýge qatysty tustaryn jetildirýge arnalǵan usynystardy qabyldady.
