Saýda salasyndaǵy kásiporyndar men olardyń kásipodaǵy Saýda komıtetin mınıstrlik ne agenttik etip qaıta qurýdy usyndy
ALMATY. 14 mamyr. QazAqparat - Saýda saıasatyn Ekonomıkalyq damý jáne bıýdjettik josparlaý mınıstrligi jasaǵanmen kásipkerlerdiń máselelerin sheshý quzyreti Aımaqtyq damý mınıstrligine berilýi saýda salasyndaǵy ahýaldy keshendi túrde júrgizýge kedergi bolýda.
Bul týraly Qazaqstan saýda kásiporyndary qaýymdastyǵy men Saýda jáne qyzmet kórsetý salasyndaǵy kásiporyndar kásipodaǵybasshylary búgin Almatyda ótkizgen baspasóz máslıhatynda málimdedi.
«Ekonomıkalyq damý jáne bıýdjettik josparlaý mınıstrliginiń qaramaǵyndaǵy Saýda komıtetin Saýda mınıstrligi nemese Saýda agenttigi etip qaıta qurýdy usynamyz. Komıtet múmkindikteri sarqyldy. Endi onyń ókilettigin AQSh, Qytaı, Eýropalyq odaq pen Keden odaǵyndaǵy sııaqty keńeıtý qajet», - deıdi Saýda kásiporyndary qaýymdastyǵynyń prezıdenti Nursadyq Ábishev. Onyń aıtýynsha, qazirgi tańda jergilikti atqarý organdarynyń basym bóliginde saýda salasyna jetekshilik etetin bólimder joq. Aımaqtarda adam resýrstaryn belsendi paıdalaný jóninde salalyq baǵdarlamalar jasalmaǵan. Sondyqtan saýda salasyn ındýstrııalyq-ınnovatsııalyq tehnologııanyń mańyzdy baǵyttarynyń tizimine jáne «Bıznestiń jol kartasy-2020» baǵdarlamasyna engizý qajet.
