Saýda, oıyn-saýyq nysandaryn tekserýde qaǵazbastylyq kóp - ıÝrıı Ilın
ASTANA. QazAqparat - QR Іshki ister mınıstriniń orynbasary ıÝrıı Ilın elimizdegi saýda jáne oıyn-saýyq ortalyqtaryn tekserý tártibi týraly baıandady, dep habarlaıdy QazAqparat tilshisi.
Vıtse-mınıstrdiń aıtýynsha, nysandardy tekserý úshin birqatar rásimder jasalýy tıis.
«Jyl saıyn bizge mektep jáne mektepke deıingi nysandardy, JOO jáne aýmaǵy 3 myń sharshy metrden asatyn nysandardy tekserý mindettelgen. ıAǵnı, kólemi 3 myń sharshy metrden asatyn saýda ortalyqtary da bul sanatqa kiredi. Biraq, tekserýdi jarty jyl buryn josparlap, jospardy prokýratýraǵa ótkizýimiz qajet. Bul jospar prokýratýra men TJ komıteti organdarynyń saıttaryna jarııalanady. Odan bólek, bir aı buryn nysan ıelerine tekserý týraly habar berilýi kerek», - dedi ıÝ. Ilın Ortalyq kommýnıkatsııalar qyzmetinde ótken baspasóz máslıhatynda.
Ótken jyly elimizdiń barlyq saýda jáne oıyn-saýyq ortalyqtary tekserilgen jáne qaýipsizdik talaptaryna saı kelmegen 20-ǵa jýyq nysan sotqa berilgen.
«Erejege sáıkes, TJ ınspektory kemishilikterdi kórsetip, hattama toltyrady da, sol kemshilikterdi joıýǵa ýaqyt beredi. Kelesi tekserýde bul kemishilikter rettelmese, materıaldar sotqa jiberiledi. Nysandy jabý nemese kemshilikterdi joıǵansha qyzmetin ýaqytsha toqtatý sheshimin tek qana sot qabyldaıdy», - dedi ol.
Degenmen, saýda jáne oıyn-saýyq ortalyqtarynyń qyzmetin toqtatý faktileri bolǵan joq.
«ıAǵnı, barlyq nysandar kemshilikterin túzetti. Áıtse de, tekserý júrgizilgende barlyq apattyq esikter ashylyp, kúzet qyzmetkerleri erejege sáıkes jumys isteıdi de, tekserýden keıin qaıtadan apattyq esikter jabylyp, dabyldar durys istemeıdi. Barlyǵy báz-baıaǵy keıpine túsedi. Bul jerde quqyq qorǵaý organdarynyń jumysy jetkiliksiz. Tutynýshylardyń aqshasyna ómir súrip otyrǵan bıznesmender olardyń aldyndaǵy moraldyq jaýapkershilikti túsinýi qajet. Óz nysandarynyń qaýipsiz bolýyn oılaýy kerek», - dedi vıtse-mınıstr.
Sonymen birge, qandaı da bir nysanǵa qatysty halyqtyń aryz-shaǵymy tússe, jospardan tys tekserý uıymdastyrylady.
«Bıznesti jospardan tys tekserý bóligin engizgimiz keldi. Biraq, bul bastama «Atameken» kásipkerler palatasynan qoldaý tappady. Olar josparly túrde tekseretin qazirgi zańnamanyń jetkilikti ekenin alǵa tartty. Sondaı-aq, halyqtyń aryz-shaǵymy boıynsha, belgili bir nysandarǵa jospardan tys tekserý júrgize alamyz, biraq qaıtadan prokýratýraǵa tirkelip, nysan ıesine habar berilgen soń, tekserýge kirisemiz», - dedi ıÝ. Ilın.
