Saýda ortalyǵyndaǵy áıel ólimi: Polıtsııa tergeý bastady
NUR-SULTAN. QazAqparat – Elordadaǵy saýda, oıyn-saýyq ortalyǵyndaǵy áıel ólimine baılanysty tergeý bastaldy, dep habarlaıdy QazAqparat tilshisi.
«Osy jyldyń 22 qarashasynda, saǵat 21:31-de jedel járdem brıgasy 102 arnasyna qońyraý shalyp, Mega Silk Way saýda, oıyn-saýyq ortalyǵynda tirshilik belgisi joq 28 jastaǵy áıeldiń múrdesi tabylǵany týraly habarlady. Atalǵan fakti boıynsha Esil aýdandyq polıtsııa basqarmasy sotqa deıingi tergeýdi bastady. Birqatar saraptama taǵaıyndaldy, tergeý júrgizilip jatyr», - dep atap ótti Nur-Sultan qalalyq polıtsııa departamentinen.
Buǵan deıin saýda, oıyn-saýyq ortalyǵynda áıeldiń kóz jumǵany týraly habarlaǵan bolatynbyz.
