Saýda ortalyǵy balalarǵa jańajyldyq syılyqqa ósimdik maıy men qant taratty
«Erekshe syılyq» qala turǵyndary arasynda narazylyq týdyrdy. Alaıda, ákimdiktiń baspasóz qyzmeti bul shyrshaǵa qatysy joqtyǵyn málim etken. «Qalalyq nemese aýdandyq ákimdiktiń bul shyrshaǵa qatysy joq. Ákimniń shyrshasy únemi tsırk ǵımaratynda ótedi. Al ákimdik shyrshalary eshqashan saýda ortalyqtarynda ótpeıdi», - dedi ákimdiktegiler.
Saýda ortalyǵynyń ókildigi bul oqıǵaǵa qatysty pikir bildirdi. Olardyń aıtýynsha, munda 27 myń balaǵa arnalyp jańa jyldyq shyrsha ótkiziledi.
«Grand Park basshylyǵy bastamasyn arendatorlardyń barlyǵy qoldady. Olardyń barlyǵy kelýshiler arasynda zergerlik buıymdaryn, azyq-túlik, ózge de taýarlardy utysqa oınatady. Bul aktsııa kelýshiler arasynda jaqsy qabyldandy. Osymen ekinshi jyl qatarynan ótkizilip otyr»,- dedi «Grand park» saýda úıinde.
Eresekter bul syılyqqa qýanary anyq, alaıda balalar qalaı qabyldaǵany belgisiz.