Saýda mınıstrligi tutynýshy quqyǵyn buzǵan kásipkerge jazany kúsheıtýdi usyndy

NUR-SULTAN. QazAqparat – Saýda jáne ıntegratsııa mınıstrligi tutynýshy quqyǵyn qorǵaýǵa baǵyttalǵan jańa zań jobasy boıynsha jaýapsyz kásipkerlerge jazany kúsheıtý tetigin usyndy, dep habarlaıdy QazAqparat tilshisi.

«Taýarlar men qyzmetter ornynda buzýshylyqtardyń aldyn alý maqsatynda ýákiletti organnyń jáne sotqa deıingi retteý ınstıtýttarynyń baılanys aqparattary ornalastyrylady. Memlekettik baqylaýdy júzege asyrý kezinde baqylaý sýbektisine barmaı-aq profılaktıkalyq baqylaýǵa basymdyq beriledi. Kásipkerdiń usynystar men eskertýlerdi oryndamaýy, tutynýshy úshin asa mańyzdy dep eseptelinetin quqyq buzýshylyqtary úshin ákimshilik jaýapkershilikke ákep soǵady (10-50 AEK)», - dedi zań jobasyn Májiliste qorǵaǵan Saýda jáne ıntegratsııa vıtse-mınıstri Qaırat Tórebaev.

Vıtse-mınıstr atap aıtqanda, tutynýshylardyń shaǵymyn elemeı, olardyń buzylǵan quqyqtaryn qorǵaý múmkindikteri týraly habarlamaı, taýardy ýaqtyly almastyrmaıtyn nemese qaıtarmaıtyn kásipkerlerge osyndaı shara qabyldaý kerek.

Sondaı-aq, Saýda jáne ıntegratsııa mınıstrligi tutynýshy quqyǵyn qorǵaý jóninde vedomstvoaralyq keńes qurý jón dep esepteıdi. Qaırat Tórebaevtyń sózinshe, mundaı alqaly organ qurýdyń oryndylyǵy men ózektiligi, tutynýshynyń áleýmettik róli – búkil Qazaqstan halqymen anyqtalady.

«Mundaı keńestiń jyl saıynǵy otyrysy kóterilgen máselelerdiń mańyzy men qundylyǵyn kúsheıtip, tutynýshy quqyǵyn qorǵaý salasyndaǵy memlekettik organdar qabyldaǵan sheshimderdiń tıimdiligine tıisti baqylaýdy qamtamasyz etedi», - deıdi ol.