Saýda mınıstrligi men «Atameken» palatasy birigip jumys isteıdi

NUR-SULTAN. QazAqparat – Búgin Saýda jáne ıntegratsııa mınıstri Baqyt Sultanov pen «Atameken» UKP tóraǵasy Abylaı Myrzahmetov ózara túsinistik jáne yntymaqtastyq týraly memorandýmǵa qol qoıdy, dep habarlaıdy QazAqparat tilshisi.

Saýda jáne ıntegratsııa mınıstrliginiń alqa otyrysy aıasynda rásimdelgen qujatta ishki jáne syrtqy saýdany damytý, otandyq óndirýshilerdiń ónimderin ilgeriletý men shıkizat emes eksportty ótkizý naryqtaryn keńeıtý, Eýrazııalyq ekonomıkalyq odaq, Dúnıejúzilik saýda uıymy jáne úshinshi eldermen saýda jasaý sheginde ózara is-qımyldy nyǵaıtý kózdelgen.

Memorandýmda statıstıkalyq derekterdi qosa alǵanda saýda qyzmeti máseleleri boıynsha aqparat almasý, Qazaqstanǵa qatysty DSU men EAEO músheleriniń buzýshylyq faktileri, syrtqy naryqta otandyq kásipkerlerge kedergiler men shekteýler týraly aqparatpen almasý qarastyrylǵan.

«Bul qujat otandyq bıznes múddesinde saýdany damytý boıynsha uzaq merzimdi yntymaqtastyq pen ózara jemisti jumys isteýdiń negizi bolatynyna senimdimiz», - dedi «Atameken» UKP Abylaı Myrzahmetov.