Saýda mınıstrligi: Qazaqstan-Reseı saýda-sattyǵyndaǵy teris saldo kemidi

ASTANA. QazAqparat – Premer-Mınıstrdiń orynbasary - Saýda jáne ıntegartsııa mınıstri Serik Jumanǵarın Qazaqstan men Reseı arasyndaǵy saýda-sattyqtyń teris saldosy kemip kele jatqanyn málim etti, dep habarlaıdy QazAqparat tilshisi.

«20-21 sáýirde men Máskeýde bolamyn. Eýrazııalyq ekonomıkalyq komıssııa otyrysy ótedi. Ol jerde kún tártibindegi máseleler qaralady. Reseı – bizdiń jetekshi seriktesterimizdiń biri. Byltyr eki aradaǵy saýda aınalymy 26,1 mlrd dollar boldy. Onyń ishinde Qazaqstannyń eksporty – 8,8 mlrd dollar. Reseımen saýda-sattyqta teris saldo bar. Biraq, byltyr onyń kólemi 2 mlrd dollarǵa kemidi», - dedi ol Úkimet kýlýarynda.

Sondaı-aq, mınıstr vedomstvo Reseıden aǵylýy yqtımal arzan astyqqa toqsaýyl qoıatynyn aıtty.

«Bilesizder, bizde astyqpen problema bolǵan. Qazir kólikpen tasymaldanatyn reseılik arzan astyqtyń ımportyna belgili bir mezrimde tosqaýyl qoıýǵa qamdanyp jatyrmyz. Sol arqyly otandyq óndirýshilerdi qoldaımyz. Munyń bári – kúndelikti jumystar», - dedi Serik Jumanǵarın.