Saýda mınıstrligi bırja saýdasynyń qalaı ózgeretinin aıtty

NUR-SULTAN. QazAqparat - Memleket basshysynyń Joldaýynda berilgen tapsyrmalardy iske asyrý barysynda QR Saýda jáne ıntegratsııa mınıstrligi «Keıbir zańnamalyq aktilerge bırjalyq saýdany damytý jáne jetildirý máseleleri boıynsha ózgerister men tolyqtyrýlar engizý týraly» zań jobasyn ázirledi, dep habarlaıdy QazAqparat vedomstvonyń baspasóz qyzmetine silteme jasap.

Saýda jáne ıntegratsııa mınıstrliginiń Bırjalyq saýda basqarmasynyń basshysy Maqsat Tursynbekov túsindirýinshe, zań jobasy negizgi úsh baǵyt boıynsha bırjalardy damytýdy kózdeıdi.

Birinshiden, taýar bırjalarynyń ashyqtyǵyna qoıylatyn talaptar kúsheıtiledi. Ekinshiden, jaǵdaıdy ózgertýge jáne shyn máninde básekelestik orta men bırjalyq saýdany damytý úshin jańa jaǵdaılar jasaýǵa eleýli áreket jasaldy. Úshinshiden, bırjalyq saýda kólemin ulǵaıtý mindeti qoıylyp otyr.

«Birinshi baǵyt boıynsha mynadaı is-sharalardy bildiredi: jarǵylyq kapıtaldy ulǵaıtý; bırjalyq saýdanyń biryńǵaı qaǵıdalaryn bekitý; taýar bırjalarynyń eki deńgeıli júıesin engizý; taýar bırjalary men bırjalyq saýdaǵa qatysýshylardyń qarjylyq turaqtylyǵy boıynsha talaptardy belgileý», - dedi tolyqtyrdy Maqsat Tursynbekov.

Onyń ıatýynsha, ekinshi baǵyt aıasynda birqatar shara qarastyrylǵan.

«Mysaly bırjalyq brokerler men taýar dılerleri úshin olardyń birneshe taýar bırjalaryna qatysýyna tyıym salýdy bir mezgilde alyp tastaı otyryp, biryńǵaı akkredıtteý aıqyndalady. Sondaı-aq klıentterdiń deldalsyz bir rettik kelýshi retinde bırjalyq saýda-sattyqqa qatysýǵa qoljetimdiligi kózdelgen. Taýarlar men saýda-sattyqty sektsııalar boıynsha bólý eskeriledi. Budan basqa, ýákiletti organǵa bir saýda sessııasynda lottyń eń joǵary mólsherin belgileý boıynsha ókilettikter beriletin bolady», - dedi saýda mınıstrliginiń ókili.

Vedomstvonyń málimdeýinshe, úshinshi baǵyt sektsııa túrine jáne jasalǵan mámileler kólemine baılanysty saralanǵan mólsherlemeler ornatýǵa múmkindik beredi jáne bırjada mámilelerdi jasasýdy da, sharttardy oryndaýdy da saqtandyrý quraly engiziledi.

Zańnamaǵa osy tolyqtyrýlardyń barlyǵyn engizý - bul jobany jasaıtyn qurylym, qoljetimdi etedi jáne bırjalyq saýdanyń kólemin arttyrady. Mańyzdy artyqshylyqtar ishinde - «tabıǵı» baǵalardy belgileý jáne jańa seriktesterdi tartý úshin múmkindik jasalatyn bolady, bul básekelestik deńgeıiniń ósýine áser etedi. Turaqty bırjalyq salany qalyptastyrý úshin mańyzdy dálelderdiń biri - bırjalyq mámilelerdiń ashyqtyǵy, bul jobada da eskerilgen.

«Rásimdik sátterge keletin bolsaq, 2021 jylǵy 27 aqpanda múddeli memlekettik organdarmen jáne uıymdarmen kelisilgen zań jobasy QR Premer-Mınıstriniń keńsesine engizildi, al 2021 jylǵy 17 naýryzda PMK jobany Prezıdent Ákimshiligine jiberdi. Budan ári, zańnamalyq erejelerge sáıkes, zań jobasy QR Parlamentine engiziledi», delingen habarlamada.