Saýda mınıstrligi azyq-túlik baǵasyn turaqtandyrýdyń jańa tásilin usyndy

ASTANA. QazAqparat – Saýda jáne ıntegratsııa birinshi vıtse-mınıstri Arman Shaqqalıev vedomstvonyń keńeıtilgen alqa májilisinde azyq-túliktiń maýsymaralyq baǵasyn turaqtandyrýdyń jańa tetigin tanystyrdy, dep habarlaıdy QazAqparat tilshisi.

«Negizgi ózgerister erte pisetin kókónisterdi satyp alý baǵytynda aınalym shemasynyń mehanızmin paıdalanýǵa qatysty bolmaq. Biz Pákistan, Ózbekstan, Tájikstan sııaqty naryqtardyń kózdep otyrmyz. Turaqtandyrý kezeńi men aınalym shemasyna qatysýshylar anyqtaldy. Bul iri jáne aımaqtyq jeliler bolmaq», - dedi ol.

Arman Shakqalıev bul baǵytta bıyl qoldanylatyn jańa formýla burynǵysynan aıtarlyqtaı erekshelenetinin jáne baǵanyń turaqtanýyna yqpaldy ekenin atap ótti.

«Eger buryn baǵany bazar baǵasyn túsir arqyly rettesek, endi «óndirýshiniń baǵasy, ústeme shyǵyndar men 15% saýda ústemesi» formýlasy boıynsha qalyptastyrýǵa kúsh salynady. Bul formattan kúterimiz kóp. Bıylǵy maýsymaralyq baǵa 2022 jylǵy baǵamen salystyrǵanda aıtarlyqtaı tómen bolady», - dedi birinshi vıtse-mınıstr.