Saýda mınıstrligi «Sauda in Digital Nauryz» baıqaýyn jarııalady

ASTANA.KAZINFORM - Ulystyń uly kúni – Naýryz merekesine oraı 2026 jylǵy 13–20 naýryz aralyǵynda saýda salasyn tsıfrlandyrý men jasandy ıntellektini qoldanýǵa arnalǵan «Sauda in Digital Nauryz» baıqaýy ótedi. Bul týraly Saýda jáne ıntegratsııa mınıstrligi habarlady.

Qatysýshylar ınnovatsııalyq sheshimderin, saýda keńistigin kreatıvti tsıfrlyq bezendirý úlgilerin jáne jasandy ıntellektini qoldana otyryp júzege asyrylǵan jobalaryn usynýy tıis.

Baıqaýdyń maqsaty – saýda salasyna zamanaýı tehnologııalardy engizýdi yntalandyrý jáne úzdik tájirıbelerdi qoldaý.

Baıqaýǵa Qazaqstan Respýblıkasynyń barlyq saýda sýbektileri qatysa alady.

Qalaı qatysýǵa bolady?

· qysqa beınerolık túsirińiz;

· Instagram jelisindegi óz paraqshańyzǵa jarııalap, Mınıstrliktiń resmı paraqshasyn (@saudagovkz) belgileńiz;

· #saudadigitalnauryz heshtegin kórsetińiz.

Qorytyndy shyǵarý

20 naýryz kúni kelesi nomınatsııalar boıynsha jeńimpazdar anyqtalady:

· Úzdik tsıfrlyq bezendirý;

· Úzdik tsıfrlyq quttyqtaý;

· Jasandy ıntellektini úzdik qoldaný;

· Eń kreatıvti Digital-joba.

Baǵalaý krıterııleri (KPI)

Baıqaý jumystary kelesi negizgi kórsetkishter boıynsha baǵalanady (eń joǵary upaı – 100):

· jasandy ıntellektini qoldaný – 40 upaı;

· kreatıvtilik – 20 upaı;

· ulttyq naqysh – 20 upaı;

· aýdıtorııanyń belsendiligi – 20 upaı;

· oryndalý sapasy – 20 upaı.

23 naýryz kúni jeńimpazdardy marapattaý rásimi ótedi.

Buǵan deıin «Pedagogıkalyq ıdeıalar panoramasy - 2026» respýblıkalyq baıqaýy jarııalanǵanyn jazǵan edik.