Saýda mınıstrligi áleýmettik mańyzy bar azyq-túlik baǵasyn baqylaýdy kúsheıtedi

ASTANA. KAZINFORM — Memleket basshysynyń tapsyrmasyna sáıkes, Úkimet azamattardyń turmys saprasyn jaqsartý jáne elimizdiń ekonomıkalyq jaǵdaıyn turaqtandyrýǵa baǵyttalǵan birqatar sharalardy júzege asyryp jatyr. 

 Arman Shaqqalıev ÁMAT boıynsha bólshek saýda baǵasyn bekitý jóninde óndirýshimen memorandým jasalatynyn aıtty. 

— Áleýmettik mańyzy bar azyq-túlik taýarlary baǵasyn ári qaraı turaqtandyrý úshin beriletin qarjyny eki ese ulǵaıtyp, turaqtandyrý qorlarynyń jumysyn kúsheıtý jospary bar. Aımaqtaǵy komıssııalar negizsiz deldaldardy anyqtap, baǵany kóterip jiberetinderdi alyp tastaýǵa erekshe nazar aýdarady. Aýylsharýashylyǵy mınıstrligimen birlesip, aı saıyn óńirlerge tikeleı sıyr etin jetkizý uıymdastyrylyp jatyr.

Sonymen qatar otandyq óndirýshiler jáne saýda jelilerimen birge áleýmettik mańyzy bar azyq-túlik taýarlary boıynsha bólshek saýda baǵasyn bekitý jóninde óndirýshimen memorandým jasalady. Osy baǵyttaǵy jumystar júıeli ári josparly túrde jalǵasady, — dedi Saýda jáne ıntegratsııa mınıstri. 

Aıta ketelik Prezıdent tapsyrmasy boıynsha Úkimet makroekonomıkalyq turaqtylyqty qamtamasyz etý jáne ekonomıkalyq reformalardyń teris saldaryn barynsha azaıtý baǵytynda sharalar qabyldap jatyr.