Qazaqstan aspanynda sheteldik eki ushaq soqtyǵysa jazdady
ASTANA. KAZINFORM – Qazaqstannyń áýe keńistiginde sheteldik eki ushaqtyń qatysýymen bolǵan eleýli avıatsııalyq oqıǵaǵa baılanysty Kólik mınıstrliginiń kóliktegi oqıǵalar men oqys oqıǵalardy tergep-tekserý departamenti túsinikteme berdi.
Vedomstvo málimetinshe, oqıǵa 10 qańtar kúni tańerteń Shymkent óńirlik dıspetcherlik ortalyǵyna qarasty aımaqta tirkelgen.
– 2026 jylǵy 10 qańtarda Astana ýaqytymen shamamen saǵat 05:42-de Shymkent óńirlik dıspetcherlik ortalyǵynyń A2I sektory aımaǵynda «Pobeda» áýe kompanııasynyń Vnýkovo – Samarqand baǵytyndaǵy PBD997 reısine jáne «Uzbekistan Airways» áýe kompanııasynyń Termez – Máskeý baǵytyndaǵy UZB9609 reısine qyzmet kórsetý barysynda avıatsııalyq oqıǵa boldy, – delingen departament habarlamasynda.
Vedomstvonyń málimetine sáıkes, atalǵan jaǵdaı mindetti túrde ýákiletti organ tarapynan tergep-tekserýdi talap etetin eleýli avıatsııalyq ıntsıdent sanatyna jatqyzylǵan.
Oqıǵany tekserý úshin QR Kólik mınıstrliginde arnaıy komıssııa qurylatyn bolady.
– Komıssııany taǵaıyndaý týraly buıryq shyqqan sátten bastap tergep-tekserý nátıjeleri boıynsha esep bekitilgenge deıingi merzim, ádette, qosymsha zertteýler men jumystar qajet etilmegen jaǵdaıda, úsh aıdan aspaıdy, – dep naqtylady vedomstvo baspasóz qyzmeti.
Eske sala keteıik, Air Astana áýe kompanııasynyń ushaǵy tehnıkalyq aqaýǵa baılanysty Beıjiń áýejaıyna shuǵyl qonǵan edi.