Saýda mınıstri sábiz, kartop pen sút baǵasyn qalaı retteıtinin aıtty

NUR-SULTAN. QazAqparat – QR Premer-Mınıstriniń orynbasary-Saýda jáne ıntegratsııa mınıstri Serik Jumanǵarın sábiz, kartop, sút, qaraqumyq jáne kúnbaǵys maıynyń baǵasyn qalaı retteıtinin aıtty, dep habarlaıdy QazAqparat tilshisi.

«Byltyr sábiz ben kartoptyń aınalasynda qansha áńgime bolǵany esterińizde shyǵar. Jambyl, Almaty, Qaraǵandy, Pavlodar obylstarynyń sábiz ben kartop óndirýshilerin jınadyq. Olar gerbıtsıd, pestıtsıd, tyńaıtqyshtarǵa 4 mlrd teńge aqsha ber dep otyr. Olar bizge sábiz ben kartoptyń baǵasyn turaqtandyryp beredi. Kúnbaǵys maıyn óndirýshiler bizge eksportty jaýyp berińizder deıdi. Sonda shıkizat ózimizde qalady. Al qaraqumyq óndirýshiler shıki qaraqumyq satyp alýǵa 1 mlrd teńge surap otyr. Baǵany sol arqyly turaqtandyramyz», - degen vedomstvo basshysy sút naryǵynda da osyǵan uqsas shema jumys isteıtinin atap ótti.

«Sút óndirýshiler jazda shıkizatqa qınalmaıdy. Al qysta qurǵaq sút satyp alady. Olar bizgden qurǵaq súttiń shıkizatyn satyp alýǵa 1 mlrd 130 mln teńge surap otyr. ıAǵnı biz qazir búkil qarajatty bir jerge shoǵyrlandyramyz. Buǵan deıin ár óńirdiń ákimdigi ol qarajatty óz qalaýynsha ıgeretin. Sonda biz aqshanyń shıkizat satyp alýǵa jumsalýyn maqsatty túrde baqylaımyz. Endi osy atalǵan taýarlardyń baǵasy kóterilmeıdi degen sóz. Bul memorandým bir jylǵa jasalady», - dedi Serik Jumanǵarın.