Saýda mınıstri baǵany turaqtandyrý sharalaryna túsinik berdi

NUR-SULTAN. QazAqparat – QR Saýda jáne ıntegratsııa mınıstri Baqyt Sultanov kóktem men jaz aılarynda baǵany turaqtandyrý sharalaryna túsinik berdi, dep habarlaıdy QazAqparat tilshisi.

«Baǵalardy turaqtandyrý úshin Saýda jáne ıntegratsııa, Ulttyq ekonomıka jáne Aýyl sharýashylyǵy mınıstrlikteriniń birlesken buıryǵymen tótenshe jaǵdaı rejımi kezeńinde 9 áleýmettik mańyzy bar taýarǵa shekti baǵa belgilendi. Sonymen qatar, mınıstrlik ákimdikterge ishki saýda sýbektileriniń shekti bólshek saýda baǵalarynyń mólsherin saqtaýǵa baqylaý júrgizý boıynsha usynystar jiberdi. Atalǵan usynystardy oryndaý úshin ákimdikter men mınıstrliktiń aýmaqtyq bólimsheleri turaqty negizde monıtorıng júrgizip, onyń qorytyndysy boıynsha 180 ákimshilik aıyppul saldy», - dedi B. Sultanov Úkimet otyrysynda.

Onyń sózine qaraǵanda, bıylǵy jyldyń 22 naýryzynan bastap tótenshe jaǵdaı rejıminiń áreket etý kezeńinde 7 taýardy eksporttaýǵa, sondaı-aq taýarlardy aı saıyn shyǵarýdy kvotalaýǵa tyıym salyndy.

Budan basqa, baǵanyń ósýine jol bermeý maqsatynda bıyldyń naýryz aıynan qyrkúıek aıyna deıin áleýmettik mańyzy bar azyq-túlik taýarlarynyń ımporty men satylýyna qosylǵan qun salyǵynyń stavkasy 12%-ten 8%-ke deıin tómendetildi.

Budan buryn habarlanǵandaı, 2020 jyldyń basynan beri áleýmettik mańyzy bar azyq-túlik taýarlarynyń baǵasy 4,4 paıyzǵa ósti.